Türkiyə ABŞ-ı F-35-lə bağlı öhdəliklərini icra etməyə çağırdı

GADTB-nin Mətbuat Mərkəzinə daxil olan məlumata görə, Ankara F-35 proqramı çərçivəsində istehsalçı ölkələrdən onun qarşısındakı öhdəliklərin icrasını gözləyir.

Bunu Türkiyə Müdafiə naziri Hulusi Akar ABŞ Müdafiə nazirinin səlahiyyətlərinin müvəqqəti icraçısı Patrik Şanahanla görüşü şərh edərkən deyib.

“ABŞ müdafiə naziri ilə danışıqlar müsbət məcrada keçib. Biz böyük məmnuniyyətlə qeyd edirik ki, ABŞ kifayət qədər bizim baxışlarımıza yaxınlaşıb. Biz F-35 layihəsi çərçivəsində bütün öhdəliklərimizi icra etmişik. Eyni şəkildə biz gözləyirik ki, layihənin iştirakçısı olan bütün 8 ölkənin hamısı bizə qarşı öhdəliklərini icra etsin”, – deyə o bildirib.

Qeyd edək ki, Akar dünən ABŞ-a səfər edib.