Türkiyə ABŞ qoşunlarının Suriyadan çıxarılması qərarını alqışlayır

GADTB-nin Mətbuat Mərkəzinə daxil olan məlumata görə, Türkiyə Cümhuriyyəti ABŞ-ın öz qoşunlarını Suriyadan çıxarmaq barədə qərarını məmnuniyyətlə qarşılayır.

Bunu Türkiyənin xarici işlər naziri Mövlud Çavuşoğlu deyib. “Biz ABŞ qoşunlarının Suriyadan çıxarılması qərarını məmnuniyyətlə qarşılayırıq. İndi isə regionda boşluq yaranmasına imkan verməməliyik. Qoşunlar Suriyadan koordinasiyalı şəkildə çıxarılmalıdır”, – deyə Çavuşoğlu bildirib.

Nazir bu qərarı, həmçinin Suriya böhranının siyasi həlli üçün vacib addım adlandırıb. “Türkiyə Suriyanın ərazi bütövlüyünə hörmətlə yanaşır. Biz uzun müddətdir ki, İŞİD qruplaşması ilə mübarizə aparırıq və onu, nəhayət, məğlubolunmuş hesab edirik”, – deyə Mövlud Çavuşoğlu vurğulayıb.

Xatırladaq ki, dekabrın 19-da ABŞ Prezidenti Donald Tramp ABŞ qoşunlarının Suriyadan tam çıxarılması barədə göstəriş verib. Ağ ev rəsmilərinin sözlərinə görə, sayı 2 minə yaxın olan amerikalı hərbçilərin ölkədən çıxarılmasına 60-100 gün vaxt lazım gələcək.

 

Həmçinin yoxlayın

Sayın Mikayil bəy Oyta və sayın Sara xanım Azərsun Quzey Qıbrıs Türk Cümhuriyyətinin Barış və Özgürlük Bayramı tədbirində – Şəkil

GADTB-nin Mətbuat Mərkəzinə daxil olan məlumata görə, bu gün 20 iyul Quzey Qıbrıs Türk Cümhuriyyətinin …

İsrail ordusu İrana mümkün hücuma hazırlaşır

GADTB: İsrailin Milli Xəbərlər nəşri ordunun İrana qarşı mümkün hücum ssenarilərinə aylarla əvvəlcədən hazırlaşdığını bildirib. …

Bir cavab yazın