Türkiyədə erməni yalanlarını ifşa edən azərbaycanlı alim

GADTB-nin Mətbuat Mərkəzinə daxil olan məlumata görə, Atatürk Araşdırma Mərkəzinin təşkilatçılığı ilə Türkiyənin Amasya Universitetində 9-cu Atatürk Konqresi işə başlayıb.

Noyabr 15-dək davam edəcək tədbirə dünyanın 7 ölkəsindən 100-dən artıq tarixçi-tədqiqatçı və elm adamı qatılıb.

Tədbirdə Ərciyəs Universitetinin azərbaycanlı professoru Qafar Çaxmaqlı Mehdiyevin “Erməni düşüncə sistemində Atatürkün şəxsiyyəti və erməni ictimaiyyətinə düzgün tanıdılması” mövzusunda məruzəsi dinlənilib. Professor məruzəsində təəssüflə vurğulayıb ki, Ermənistanda çap olunan kitablarda və mətbuat orqanlarında Atatürk öz millətinin lideri və xilaskarı kimi deyil, ermənilərin düşməni kimi təqdim olunur. Alim təkzibolunmaz faktlar və elmi mülahizələrlə əsaslandırıb ki, Türkiyə Cümhuriyyətinin qurucusuna qarşı müxtəlif dövrlərdə atılan iftiralar bu gün də davam etməkdədir.

Məruzəçi Ermənistanda yayımlanan bir neçə kitabdan konkret misallar gətirib.