Bazar ertəsi , Fevral 10 2025
azfa

Türkmanlar İraqda soyqırım təhlükədəsi ilə qarşılaşdılar

GADTB-nin Mətbuat Mərkəzinin əldə etdiyi məlumata görə, Kərkük şəhərindəki türkmanlar PKK terror qruplaşmasının şəhərə sızmaq cəhdlərindən böyük narahatlıq keçirir. Əhali terror qruplaşmasının türkmanlara qarşı qətliam törətməsindən ehtiyat edir.

Axar.az xəbər verir ki, bu barədə İraq Türkman Cəbhəsinin Kərkük üzrə nümayəndəsi Məhəmməd Saman danışıb.

Kərkükdəki türkmanlar PKK terrorçularının təxminən bir il əvvəl şəhəri tərk edən peşmərgə və asayiş qüvvələrinin keçmiş mənsubları adı altında bölgəyə geri döndüklərini və türkmanları narahat etməyə başladıqlarını bildiriblər.

“PKK terror qruplaşması yenidən Kərkükün müxtəlif bölgələrində yerləşməyə başlayıb. Terrorçular kirayə qalmaq üçün xüsusilə İraq Türkman Cəbhəsi binaları yaxınlığında mənzillər seçirlər”, – Saman bildirib.

Saman eyni zamanda kürd siyasi partiyalarının Bağdadda yeni hökumətə qatılmaq üçün irəli sürdükləri “peşmərgə qüvvələrinin yenidən Kərkükə qayıtması” şərtinin də narahatlıqlarını artırdığını dilə gətirib:

“Peşmərgə və kürd asayiş qüvvələri arasında PKK terror qruplaşması üzvləri də olacaqdır. PKK-nın türkmanlara qarşı qətliam təşkil edə biləcəyindən narahatıq. Yenidən o günləri yaşamaq istəmirik. Kərkükdə təhlükəsizliyin tək mərkəzi Bağdad hökuməti olmalıdır. Silahın dövlətin əlində olmasını istəyirik”.

Həmçinin yoxlayın

Molla rejimin Urmiya gölünü qurutması gölün şərqinə yağıntıları kəsilib

GADTB-nin Mətbuat Mərkəzinə daxil olan məlumata görə, Urmiya gölünün son günlər ppeykdən çəkilmiş şəkli göstərir …

İran Futbol federasiyası haqsızlığa məruz qalan “Traxtur” komandasını da cəzalandırır

GADTB-nin Mətbuat Mərkəzinə daxil olan məlumata görə, İran Futbol Federasiyası yanvarın 26-da “Traxtur” və “Perspolis” …

Bir cavab yazın