Bazar ertəsi , İyun 17 2024
azfa

Xudafərinin tarixi Həsrət körpüsü yerində Güneydən erməni işğalındakı ərazilərə körpü tikiləcək

GADTB-nin Mətbuat Mərkəzinə daxil olan məlumata görə, Güney Azərbaycanın Xudafərin şəhərindən erməni işğalına düşmüş Quzey Azərbaycan ərazilərinə körpü tikiləcək. Bu barədə  Xudafərinin İcra Hakimiyyəti başçısı Əhmədəli Əsədpur açıqlama verib. Əhmədəli Xudafərinin İcra Hakimiyyəti başçısı Əsədpur bu barədə mayın 1-də Şəhər Şurasının keçirdiyi iclasda danışıb.

O deyib: “Bakı və Tehran arasında Xudafərin məntəqəsində yeni bir körpünün tikiləcəyi barədə razılıq əldə olunub. Körpünün adı İran və Azərbaycan Respulikasının dostluq körpüsü olacaq”.

Əhmədəli Əsədpurun sözlərinə görə, “yeni körpünün tikilməsi üçün təxminən 10 milyard tümən məbləğində vəsait tələb olunur, büdcə təmin olacağı təqdirdə körpünün tikintisinə başlanılacaq.”

Dostluq körpüsü hələlik şimal hissəsi Ermənistanın işğalında olan tarixi “Həsrət körpüsü”nü əvəz edəcək. Azərbaycanın iki hissəsi, yəni Qaradağ və Qarabağ bölgələri arasındakı tarixi “Həsrət körpüsü”nün təxminən üçdə biri 1828-ci ildə Türkmənçay müqaviləsi imzalandıqdan və Azərbaycan ikiyə bölündükdən sonra dağıdılıb.

Azərbaycanın Güney və Quzey hissəsini birləşdirən “Həsrət körpüsü” qardaşlıq və birlik simvolu kimi tanınır. Yeni körpünün tikilməsi ilə tarixi körpünün taleyinin necə olacağı barədə məlumat verilmir.

Həmçinin yoxlayın

Səyyad Məhəmmədian girov qarşılığında zaminə buraxıldı

GADTB-nin Mətbuat Mərkəzinə daxil olan məlumata görə, Qoşaçaydan olan Azərbaycan milli hərəkatının tanınmış fəalı Səyyad …

Molla rejimi həbs etdiyi azərbaycanlı vəkil hələ də zindanın karantin bölməsində həbsdədir

GADTB-nin Mətbuat Mərkəzinə daxil olan məlumata görə, irqçi fars-molla rejimin məmurları Tehrandakı Evin zindanında həbsdə …

Bir cavab yazın