GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, bir qrup azərbaycanlı müəllim Əhərdə bannerlər yazmaqla Güney Azərbaycanda qətlgah kimi məşhur olan Əhər-Təbriz yolunun genişləndirilməməsinə etiraz ediblər. Onlar üzərinə yolun genişləndirilməməsinin çox saylı qəzalara səbəb olması və müəllimlərin çoxunun da bu yolda həyatını itirməsinə diqqət çəkən sözlər yazmaqla rejimin məsul şəxslərinə öz etirazlarını bildiriblər.
Qeyd edək ki, farslar yaşayan bölgələrə uzun və geniş yolları qısa zamanda çəkəməyə hər cür şəraut yaradan İran adlanan ölkə illərdir qısa məsafəyə malik olan Əhər-Təbriz yolunun genişləndirilməsi layihəsinin icrasına laqeydlik göstərir. Nəticədə hər həftə çoxsaylı insan tələfatı ilə nəticələn qəzalar baş verir. Həmin yolda əhali ilə yanaşı çox saylı müəllimlər də öz həyatını itirib.
