GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Azərbaycan Xəzər Dəniz Gəmiçiliyi QSC-nin (ASCO) təşkilatçılığı ilə 9 noyabr – Dövlət Bayrağı Günü ilə əlaqədar Bakıda Dənizkənarı Milli Parkın yaxınlığında yelkənli qayıqların fləşmobu keçirilib.
Fləşmobda ASCO-nun “Xəzər” yelkənli idman klubuna məxsus qayıqlar iştirak edib. Üçrəngli bayrağımıza bürünən qayıqlar iki saat ərzində açdıqları yelkənlərlə Xəzər sularında üzüb.
Aksiyanın keçirilməsində əsas məqsəd vətənpərvərlik ruhunun yüksəldilməsi, Azərbaycan bayrağına sevgi və hörmətin aşılanmasıdır.
Qeyd edək ki, 9 noyabr Azərbaycanın 3 rəngli bayrağının təyin edildiyi gün kimi geyd edilir.
