Zənganda haqları üçün etiraz edən işçilər işdən qovuldu

GADTB-nin Mətbuat Mərkəzinə daxil olan məlumata görə, Güney Azərbaycanın Zəngan şəhərində Transformator Zavodunun 20 illik iş stajı olan 5 işçisi haqları üçün etiraz etdiklərinə görə işdən qovulublar.

İşçilər ağır və sağlamlığa ziyanlı işlərə görə nəzərdə tutulan siğorta haqqının ödənilməməsinə etiraz etdiklərinə görə cəzalandırılıblar.

Bundan əvvəl adı çəkilən zavodda əmək haqlarının gecikdirilməsinə, qanunla nəzərdə tutulan hüquqların pozulmasına görə bir neçə dəfə etiraz aksiyası keçirilib.

Zavod rəhbərliyi işdən çıxarılan həmin 5 işçinin bu aksiyalara təşkilatçılıq etdiklərini iddia edib.