GADTB Güney Azərbaycan Demokratik Türk Birliyi
GADTB: Azərbaycanın “Traxtur” futbol komandası möhtəşəm oyunla ev sahibi “Qol-Göhr Sircən” klubunu 5:0 hesabı ilə məğlub edib. Bu qələbə İran Premyer Liqasının 8-ci turu çərçivəsində Sircən stadionunda baş tutub və cari mövsümün ən böyük hesablı nəticələrindən biri kimi tarixə düşüb.
Oyun zamanı Əmirhüseyn Hüseynzadə üç qol vuraraq “Traxtur”un qələbəsində əsas rol oynayıb və bombardirlər siyahısında yenidən zirvəyə yüksəlib. Komandanın digər iki qolunu isə Reci Luzekia və Məsud Zair Kazemini vurublar. Draqan Skociçin rəhbərliyi altında “Traxtur” kollektivi hücum yönümlü və nizamlı oyunu ilə rəqibini darmadağın edərək çempionluq uğrunda mübarizədə iddialarını artırıb.
Bu qarşılaşma “Traxtur”un tarixi qüdrətini bir daha xatırlatdı. Azarkeşlərinin güclü dəstəyi ilə komanda bir daha sübut etdi ki, o, Azərbaycan futbolunun simvoludur. “Qol-Göhr”in baş məşqçisi Mehdi Tərtər isə bu məğlubiyyəti “məşqçilik karyerasının ən acı günlərindən biri” adlandırıb.
