GADTB Güney Azərbaycan Demokratik Türk Birliyi
GADTB: “New York Times” yazıb ki, müharibənin başlamasından altı aydan çox vaxt keçməsinə baxmayaraq, İranın gəmilərə hücumları davam edir və ABŞ ordusunun neft tankerlərini qorumaq səylərinə rəğmən, Hörmüz boğazından keçən neftin həcmi müharibədən əvvəlki dövrlə müqayisədə hələ də xeyli aşağıdır.
Neft tankerlərinin hərəkətini izləyən “TankerTrackers” şirkətinin məlumatlarına əsasən, cümə axşamı başa çatan yeddi gün ərzində Hörmüz boğazından gündə orta hesabla 6,7 milyon barrel neft keçib. Bu göstərici müharibədən əvvəlki aylardakı gündəlik orta göstəricidən təxminən 60 faiz azdır.
“New York Times”ın araşdırmasına görə, iyulun 1-dən sentyabrın 1-dək Hörmüz boğazında ən azı 23 gəmi İranın hücumları nəticəsində zərər görüb.
Ötən həftə Səudiyyə Ərəbistanına məxsus neft tankerinə Oman sahilləri yaxınlığında edilən hücum nəticəsində gəminin iki heyət üzvü həlak olub. Daha iki dənizçi isə avqustun 1-dən sentyabrın 1-dək həyata keçirilən hücumlarda həyatını itirib.
CENTCOM-un sözçüsü Tim Hokins qəzetə bildirib ki, mayın sonlarından etibarən başlayan ABŞ-ın mühafizə əməliyyatı Hörmüz boğazından təxminən 1 600 ticarət gəmisinin və 800 milyon barrel neftin keçməsinə kömək edib.
“New York Times”ın yazdığına görə, bir çox gəmiçilik şirkəti hücum təhlükəsi və yüksək sığorta xərcləri səbəbindən hələ də Fars körfəzinə qayıtmayıb. Hər bir neft tankerinin Hörmüz boğazından keçməsi üçün müharibə riski sığortasının qiyməti 10 milyon dollardan çox ola bilər.
