Molla rejimi pauerliftinq üzrə çempion və azərbaycanlı fəalı üç il həbs cəzasına məhkum edib

GADTB: İranın pauerliftinq üzrə çempionu və azərbaycanlı milli fəal Əlirza Şahinmehr üç il müddətinə azadlıqdan məhrum edilib. İran İslam Respublikasının məhkəmə orqanları onu «etnik millətçilik» və «milli təhlükəsizliyə qarşı fəaliyyət»də ittiham ediblər.

Şahinmehr Tehranın Qələ Həsən Xan bölgəsində yaşayır. Tehranın Təhlükəsizlik Prokurorluğu oktyabrın 10-da ona rəsmi bildiriş göndərərək cəzanın icrası üçün prokurorluğa gəlməsini tələb edib.

Bildirişə əsasən, bu türk idmançı üç gün ərzində cəzanın icrası şöbəsinə müraciət etməlidir. Prokurorluq xəbərdarlıq edib ki, göstərilən müddətdə gəlmədiyi təqdirdə onun barəsində məcburi gətirilmə tədbiri tətbiq olunacaq.