Tom Tugenhat: Britaniyada Əraqçiyə tribun verilir, halbuki İranda insanlar eyni hüquqa sahib olmaq uğrunda öldürülür

GADTB: Britaniya parlamentində Mühafizəkarlar Partiyasının deputatı və ölkənin keçmiş təhlükəsizlik naziri Tom Tugenhat Abbas Əraqçinin “Financial Times” qəzetində dərc olunan məqaləsinə münasibət bildirərək İran İslam Respublikası rejiminin xarici işlər nazirinə Britaniyada sözünü çatdırmaq üçün tribuna verilməsini tənqid edib. O, Əraqçinin diplomatiyaya üstünlük vermək və gərginliyin artmasının qarşısını almaq istədiyi barədə iddialarının Britaniya vətəndaşlarına qarşı təhdidləri və SEPAH-ın regiondakı fəaliyyətləri ilə ziddiyyət təşkil etdiyini bildirib. Tugenhat məqalənin şərh bölməsinin bağlanmasını da tənqid edib.

Tom Tugenhat bildirib: “İran İslam Respublikası rejiminin xarici işlər naziri Britaniyada tribuna əldə edir, halbuki onun öz ölkəsində — İranda insanlar həmin hüquqa sahib olmaq uğrunda rejimin tərəfindən öldürülür.

O, “diplomatiyaya daha bir şans vermək” istədiyini və gərginliyin artmasını arzulamadığını iddia edir. Lakin o, bizim insanlarımızı təhdid edir, SEPAH-dakı rəhbərləri isə Yaxın Şərq boyunca minlərlə insanın ölümünə səbəb olurlar. Onların arasında, son vaxtlar Ər-Riyadda və Yəməndə öldürülən mülki şəxslər də var.

“Financial Times” qəzetinin şərh bölməsini bağlaması təəccüblü deyil. Onun yalanları ciddi araşdırmaya tab gətirmir”.