Qadınlardan ibarət “Traxtur” komandası “Mis Rəfsəncan” üzərində böyükhesablı qələbə qazandı

GADTB: “Traxtur”un qadınlardan ibarət futbol komandası çempionatın beşinci turu çərçivəsində “Mis Rəfsəncan”ı 4:0 hesabı ilə məğlub edərək üç xal qazanıb.

Qarşılaşma cümə axşamı, 29 oktyabr tarixində Rəfsəncan şəhərindəki Şəhidlər stadionunda keçirilib. Söhəyla Kiyaninin yetirmələri uğurlu oyun nümayiş etdirərək rəqibini məğlub ediblər.

“Traxtur”un heyətində Bita Abdi iki qol vurub. Aynur Ruhi və Əsra Şirəlipur da hərəyə bir dəfə fərqləniblər. Görüşün ilk hissəsi Azərbaycan təmsilçisinin 1:0 hesablı üstünlüyü ilə başa çatıb.