Human Rights Watch: Çin uyğur türklərinə qarşı kütləvi, sistematik insan haqları pozuntuları kampaniyası aparır

GADTB-nin Mətbuat Mərkəzinə daxil olan məlumata görə, Çin müsəlman uyğur türkləri azlığına qarşı “kütləvi, sistematik insan haqları pozuntuları kampaniyası” aparır. Belə bir bəyanatla Human Rights Watch insan haqları təşkilatı çıxış edib.

Nyu Yorkda mənzillənən qurum sentyabrın 10-da yaydığı hesabatda bildirib ki, Çin hökuməti Sincan regionundakı uyğur türklərini “qanunsuz saxlayır, işgəncə verir, onlarla pis rəftar edir, getdikcə gündəlik həyatlarını daha çox nəzarətdə saxlayır”.

Hesabatda BMT-nin İrqi Ayrıseçkiliyin Məhvi Komitəsinin qeydlərinə də yer verilib. Komitə avqustun 10-da bildirmişdi ki, Çindəki uyğurlar “ekstremizmə qarşı mərkəzlər”də saxlanır, milyonlarla uyğur türkü yenidən təhsil düşərgələrinə cəlb olunur, Çinin uyğur regionu “kütləvi həbs düşərgəsini xatırladan məkana” çevrilir.

Qeyd edək ki, Çin şovinist üsullarla işğal etdiyi Şərqi Türküstanda fiziki və mənəvi soyqırıma məruz qoyur.