GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ABŞ Müdafiə nazirinin səlahiyyətlərinin müvəqqəti icraçısı Patrik Şanahan jurnalistlərə açıqlamasında deyib ki, ABŞ İranla savaşmağa hazırlaşmır.
O, ABŞ-ın Yaxın Şərqdə öz maraqlarını qoruyacağını deyib:
“Söhbət müharibədən getmir. Biz savaşmağa hazırlaşmırıq. Söhbət bizim Yaxın Şərqdəki maraqlarımızın müdafiəsindən gedir”.
Qeyd edək ki, bir müddət əvvəl Şanahanın İranın nüvə silahı hazırlanması prosesini sürətləndirəcəyi və ya ABŞ obyektlərinə hücum edəcəyi ehtimalına qarşı Yaxın Şərqə 120 minə qədər hərbçinin göndərilməsini özündə ehtiva edən hərbi plan təqdim etdiyi haqda xəbər yayılmışdı.
