GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Əhvazın Qeyzaniyə bölgəsində içməli suyun kəsilməsinə etiraza çıxan yüzlərlə etirazçının mitinqini saçma güllələrdən atəş açaraq dağıdıblar.
Əhvazdan 45 kilometr aralıda Qeyzaniye bölgəsinin sakinləri şənbə günü içməli suyun kəsilməsinə etiraz olaraq bölgənin bələdiyyə binası qarşısına toplaşmışdılar.
Əhvazın polis rəisi polkovnik Möhsün Dalvənd əhalinin haqlı etirazını “qanunsuz” adlandıraraq, deyib ki, etirazçılar Əhvaz-Ramehrmez-Omidiye yolunu bağladıqdan sonra polis onları dağıtmağa başlayıb.
Gülləboran nəticəsində yaralananların olduğu bildirilir.
Bu etirazla yanaşı başqa bir mitinqdə də İranın xüsusi qüvvələri Əl-Əhvaz şəhrdarlığının narazı fəhlələrinə hücum ediblər.
