Ermənistan yenə Azərbaycanın yaşayış məntəqələrini atəşə tutdu

GADTB-nin Mətbuat Mərkəzinə daxil olan məlumata görə, noyabrın 8-i saat 07:40-dan 08:10-dək Ermənistan silahlı qüvvələrinin bölmələri Tərtər, Ağdam və Ağcabədi rayonlarının kəndlərini atəşə tutub.

Azərbaycan Müdafiə Nazirliyinin yaydığı məlumata görə, Ermənilərin təkcə Tərtərə 36-ya yaxın top mərmisi atdığı bildirilir.

Bu gün səhər Ermənistan silahlı qüvvələrinin bölmələri Tərtər rayonunun Qazyan və Hüsənli kəndlərini atəşə tutub.

Düşmən rayon ərazisinə ümumilikdə 36-ya yaxın top mərmisi atıb. Xoşbəxtlikdən ölən və yaralanan olmayıb.

Azərbaycan Ordusunun bölmələri tərəfindən düşmənin atəş nöqtələrinin susdurulması üzrə cavab tədbirləri görülüb.