GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbriz sakini olan mədəni fəal Əmir Çəməninin məhkəməsi keçirilib. Fəal öz tviter səhifəsində Aşura Sepahının ETTELAAT İdarəsi tərəfindən məhkəməyə verildiyini bildirib.
O yazıb: “Aşura Sepahının ETTELAAT İdarəsinin şikayətinə və Təbriz prokurorunun iddiasına əsasən, sistemə qarşı fəaliyyət ittihamı ilə Təbrizin İnqilab Məhkəməsinin 2-ci şöbəsində mühakimə olundum”.
Əmir Çəməni “Cəmiyyətin düşüncəsini qıcıqlandırmaq üçün yalan məlumat yaymaq” ittihamı ilə təqsirləndirildiyini açıqlayıb.
Təbrizin Cinayət Məhkəməsinin 112-ci şöbəsi tərəfindən İttihamla bağlı fəal nmühakimə edilib.
Qeyd edək ki, Əmir Çəməni mədəni fəaliyyətlərinə görə əvvəllər də həbs edilib. O, 1397-ci ilin şəhrivər ayının 11-də Təbrizin İnqilab Məhkəməsinin 1-ci şöbəsi tərəfindən “Sistemə qarşı təbliğat” ittihamı ilə 6 ayadək həbsə məhkum edilmişdi.
