Molla rejimi təbrizli xanım öyrəncini həbs və cərimə cəzasına məhkum etdi

GADTB-nin Mətbuat Mərkəzinə daxil olan məlumata görə, irqçi fars-molla rejiminin İnqilab Məhkəməsi Təbrizdə Tibb Elmləri Universitetinin öyrəncisi Nazlı Səidiyə qarşı həbs, cərimə və ölkədən çıxışına qadğa cəzası barədə qərar çıxarıb.

Hicab qaydalarını riayət etmədiyinə görə yaxalanan Təbrizdən olan azərbaycanlı xanıma qarşı “ölkənin milli təhlükəsizliyinə xələl gətirmək üçün iğtişaşçılarla əlbir omaq” ittihamına görə 15 ay həbs, 10 milyon tümən cərimə və iki il müddətinə ölkədən çıxışına qadağa cəzası verilib.

Qeyd edək ki, oktyabrın 26-sı həbs edilən Nazlı Səidi dekabrın 19-da girov qarşılığında müvəqqəti olaraq məhkəməyə qədər zaminə buraxılmışdı.