Molla rejimi azərbaycanlı  vəkil Sina Yusifi məhkəməyə çağırıb

GADTB-nin Mətbuat Mərkəzinə daxil olan məlumata görə, irqçi fars-molla rejimi Şərqi Azərbaycan Vəkillər Kollegiyasının üzvü, tanınmış təbrizli vəkil Sina Yusifiyə çağırış vərəqəsi göndərərək ittihamları ilə bağlı izahat vermək ümün onu Təbrizdə rejimin  Cinayət Məhkəməsinin 112-ci şöbəsinə çağırıb.

Sosial şəbəkədə məlumat yayan azərbaycanlı vəkil Sina Yusifi bununla bağlı yazıb: “Etiraz aksiyalarının başlanmasının ilk ayında Vəkillər Kollegiyasının fəaliyyəti və həbs edilənlər barədə yaydığım məlumatlara görə mənə hökumətə qarşı təbliğat və yalan məlumalar yaymaq ittihamları irəli sürülüb. Mən bir vəkil olaraq öz vəzifəmi yerinə yetirmişəm”.

Qeyd edək ki, bir müddət öncə Sina Yusifinin 6 ay həbs, iki il ölkədən çıxışına qadağa və şəxsi əşyalarının müsadirə olunması barədə qərar çıxarılıb.