Çərşənbə , Avqust 4 2021
azfa

Azərbaycan Xalq Cümhuriyyətinin 100 illiyi münasibətilə Ərzurumda “Azərbaycan bulvarı” açıldı

GADTB-nin Mətbuat Mərkəzinə daxil olan məlumata görə, Türkiyənin Ərzurum şəhərində Azərbaycan Xalq Cümhuriyyətinin yaranmasının və Ərzurum bölgəsinin erməni işğalından azad olunmasının 100-cü ildönümləri münasibətilə təşkil edilən silsilə tədbirlər başa çatıb.

Tədbirlərin ikinci günündə Ərzurumun mərkəzində “Azərbaycan bulvarı”nın, “Nuru Paşa bağı”nın və “Yüzüncü il qəhrəmanları” abidəsinin açılışı olub. “Yüzüncü il qəhrəmanları” abidəsi 1918-ci ildə Bakının azad olunmasında misilsiz xidmətləri olmuş Nuru Paşa və Mürsəl Paşa, o cümlədən Naxçıvanın xilasında böyük rəşadət göstərmiş Kazım Qarabəkir Paşa və erməni silahlı dəstələri ilə mübarizə aparmış, Azərbaycandan Ərzuruma yardıma gəlmiş gəncəli Seyidovun adını əbədiləşdirən xatirə kompleksidir.

Mərasimdə çıxış edən Azərbaycanın Qarsdakı baş konsulu Nuru Quliyev, Türkiyə Böyük Millət Məclisinin üzvləri İbrahim Aydəmir və Mustafa İlıcalı, Avrasiya İqtisadi Əlaqələr Cəmiyyətinin (Eko Avrasiya) sədri Hikmət Eren və Dünya Azərbaycanlıları Konqresinin sədri Asif Qurban iki ölkənin tarixi şəxsiyyətlərinin adlarının əbədiləşdirilməsinin onların xilaskarlıq missiyasının yeni nəsillərə çatdırılması baxımından əhəmiyyətli olduğunu vurğulayıblar. Qeyd olunub ki, ötən əsrin əvvəlində xalqlarımıza qarşı amansız soyqırımları törədən erməni silahlılarının zərərsizləşdirilməsi istiqamətində soydaşlarımızın göstərdikləri birlik və həmrəylik nəsillərə örnəkdir.

Mərasim bədii proqramla davam edib.

Qeyd edək ki, iki gün davam edən tədbirlər Azərbaycanın Ankaradakı səfirliyinin, Ərzurum Böyükşəhər Bələdiyyəsinin, Türkiyə Dil və Ədəbiyyat Dərnəyinin Ərzurum şöbəsinin (TDƏD) və “Eko Avrasiya” Dərnəyinin birgə təşkilatçılığı ilə keçirilib. Tədbirlər çərçivəsində Azərbaycan Xalq Cümhuriyyətinin yaranmasının və Ərzurum bölgəsinin erməni işğalından azad olunmasının 100-cü ildönümləri ilə bağlı konfrans təşkil edilib.

Həmçinin yoxlayın

Ermənistanın işğalında olan Qazaxın 7 kəndinin qaytarılması gündəmdə

GADTB-nin Mətbuat Mərkəzinə daxil olan məlumata görə, bu gün Əskipara kəndinə Rusiya sülhməramlıları, Ermənistan Müdafiə …

İsrail İrana qarşı tək başına hərəkət edə biləcəyini bildirir

GADTB-nin Mətbuat Mərkəzinə daxil olan məlumata görə, İsrailin baş naziri Naftali Bennett Tehran rəhbərliyinə gözdağı …

Bir cavab yazın