Cümə axşamı , Mart 4 2021
azfa

Azərbaycanlı fəallar Heyran gədiyinin Azərbaycandan qopardılması cəhdinə Ərdəbil millət vəkillərinin susmasına etiraz ediblər

GADTB-nin Mətbuat Mərkəzinə daxil olan məlumata görə, irqçi fars rejiminin Heyran gədiyini Azərbaycandan qopararaq Gilana birləşdirmə cəhdinə Azərbaycan türk millətinin etirazları davam edir. Azərbaycanlı milli-mədəni fəallar rejim tərəfindən bu məqsədlə quraşdırılan tabloları dağıdandan sonra Ərdəbilin üç millət vəkili- Məhəmməd Feyzi, Rza Kərimi və Südeyf Bədrinin sosial şəbəkələrdəki səhifələrində onların bu məsələyə susmasına etiraz dolu şərhlər yazıblar.

Azərbaycanlı milli-mədəni fəallar hətta Xamneyinin Ərdəbildəki nümayəndəsi Amilinin də instagram səhifəsinə çoxsaylı şərhlərlə Heyran gədiyinin Azərbaycandan qopardılması cəhdinə öz etirazlarını bildiriblər.

Qeyd edək ki, irqçi fars rejimi Azərbaycanın bir sıra şəhərlərini, o cümlədən Astara, Həşpər, Rizvanşəhr və Ənzəlini də Azərbaycandan qopardaraq Gilan vilayətinə birləşdirib. Azərbaycanlı fəallar həmin şəhərlərin də Azərbaycan vilayətlərinə qaytarılmasını tələb ediblər.

Həmçinin yoxlayın

Türkiyə fevral ayında 126 terrorçu məhv edib

GADTB-nin Mətbuat Mərkəzinə daxil olan məlumata görə, Türkiyәnin tәhlükәsizlik qüvvәlәri fevral ayında da separatçı terror …

Yaşar Piriyə dəstək məqsədilə Təbrizdə divarlara şüarlar yazıldı

GADTB-nin Mətbuat Mərkəzinə daxil olan məlumata görə, irqçi fars rejimin işgəncələri nəticəsində xəstəxanaya düşən azərbaycanlı …

Bir cavab yazın