GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi və işğalçı fars rejim 9 il həbsə məhkum etdiyi azərbaycanlı siyasi məhəhbus dr.Lətif Həsəniyə qarşı təzyiq göstərməkdədir.
Məlumata görə, azərbaycanlı siyasi məhbus keçən il yaydan məcburi şəkildə Rəcaişəhr həbsxanasının 10-cü bəndinə köçürülüb və hər gün müxtəlif təzyiqlərlə qarşılaşır.
Hazırda isə həbsxananın dağlıq ərazidə yerləşməsi və kəskin soyuqların düşməsinə baxmayaraq fəala isti geyim və qızdırıcı vasitələrin verilməsinə mane olurlar. Zindanın rəisi Qulamrza Ziyainin xüsusi göstərişi ilə hətta məhbusların öz xərci ilə qızdırıcı vasitələrin alınıb gətirilməsinə də mane olurlar.
Yayda isə məhbuslara sərinləşdirici vasitələrdən istifadə qadağan edilib.
Siyasi məhbuslara verilən qida da olduqca keyfiyyətsizdir və ət qətiyyən verilmir.
Siyasi məhbuslara və xüsusilə dr. Lətif Həsəninin açıq havaya çıxmasına da məhdudiyyətlər vardır və olduqca dözülməz şəraitdə saxlanılır.
Qeyd edək ki, dr. Lətif Həsəni Azərbaycan türklərinin hüquqlarını müdafiə etmək məqsədilə Yeni GAMOH Təşkilatını yaratdığı üçün rejim tərəfindən 9 il həbsə məhkum edilib.
