GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi farsların Azərbaycanı və Azərbaycan türklərini təhqir etməsinə etirazlardan sonra Təbriz prokuroru Babək Əlilu cinayətkarların yaxalanmasını tələb etdi.
O Tehran prokuroruna məktub göndərərək Azərbaycan türklərini təhqir edən şəxslərin mühakimə edilməsi üçün onların saxlanması və Təbrizə göndərilməsini istəyib.
Bu barədə Polis Qüvvələrinin sözçüsü Əhməd Nurian təhqir edən şəxslərin kimliyinin müəyyən edildiyini və həmin şəxslərin yaxın zamanda yaxalanacağına söz verib.
Qeyd edək ki, yanvarın 26-da Tehranın Azadi stadionunda Tehranın Perspolis və Güney Azərbaycanın Traxtur komandaları arasında yarış keçirilib. Həmin yarış zamanı irqçi farslar Azərbaycana və Azərbaycan türklərinə qarşı söyüş və təhqiramiz şüarlar səsləndiriblər.
