Çərşənbə axşamı , Mart 2 2021
azfa

Beygi rejimin Azərbaycan türkcəsi ilə bağlı verdiyi sözü tutmadığını deyib

GADTB-nin Mətbuat Mərkəzinə daxil olan məlumata görə, Təbrizdən məclisə millət vəkili seçilmiş Əhməd Əlirza Beygi Ruhani hakimiyyətinin Azərbaycan millətinə verdiyi vədləri tutmadığına etiraf edib.

Aşıqlar Birliyinin konfransında çıxış edən Beygi diqqətə çatdırıb ki, prezident seçkiləri ərəfəsində Təbrizə səfər edən Həsən Ruhani seçicilərə Azərbaycan Türkcəsi Akademiyasının açılacağı haqqında söz vermişdi. H.Ruhaninin rəhbərlik etdiyi hökumət verdiyi sözü tutmalı və Azərbaycan Türkcəsi Akademiyasının açılmasına şərait yaratmalıdır.

Ə.Beygi bildirib ki, Azərbaycan Türkcəsi Akademiyasının açılması İranın mədəniyyətinin zənginliyini göstərəcək. Onun sözlərinə görə, Azərbaycan dili müxtəlif ölkələrdə yaşayan xalqların bir-biri ilə ünsiyyətində işlədilən dildir. Bu səbəbdən də Azərbaycan Türkcəsi Akademiyasının açılması İranın mədəniyyətinə zənginlik bəxş edər.

Xatırladaq ki, 2013-cü ildə keçirilən prezident seçkilərində namizəd olan Həsən Ruhani Təbrizdə seçiciləri ilə görüşündə bildirmişdi ki, seçiləcəyi təqdirdə Təbriz Universitetində Azərbaycan türkcəsi fakültəsinin və Azərbaycan Türkcəsi Akademiyasının açılması haqqında sərəncam verəcək.

Həmçinin yoxlayın

İran rejimi Ərdəbildə milli fəalı cinayətkarlar və narkomanların bölməsinə köçürülüb

GADTB-nin Mətbuat Mərkəzinə daxil olan məlumata görə, irqçi fars rejim Ərdəbil zindanında cinayətlərin ayrılması prinsipi …

İranın ETTELAAT İdarəsi Ərdəbildə azərbaycanlı fəal Həbib Nigəhbanı hədələyib

GADTB-nin Mətbuat Mərkəzinə daxil olan məlumata görə, irqçi fars rejimin Ərdəbildəki ETTELAAT İdarəsi azərbaycanlı milli-mədəni …

Bir cavab yazın