Çərşənbə , İyul 28 2021
azfa

Cavid Rəhman İranda qeyri-farsların hüququnun kobud şəkildə pozulduğunu açıqladı

GADTB-nin Mətbuat Mərkəzinə daxil olan məlumata görə, BMT-nin İranda insan hüquqları üzrə xüsusi nümayəndəsi Cavid Rəhman oktyabrın 23-də İranla bağlı hesabatında İran adlanan ölkədə insan hüquqlarının kobud şəkildə pozulması barədə hesabat yayıb.

BMT-nin Baş Məclisinin komitələrinə təqdim edilən hesabatda yazılıb ki, hazırda İran zindanlarında yaşı 18-dən aşağı olan 90 yeniyetmə məhkum barələrində çıxarılmış ölüm hökmünün icrasını gözləyir.

O həmçinin deyib: “Ötən il İranda yaşı 18-ə çatmamış 7 yeniyetmə məhkum müxtəlif ittihamlarla edam edilib. Həmçinin cari ilin, yəni 2019-cu ilin başlanğıcından indiyə qədər İranın müxtəlif şəhərlərinin həbsxanalarında ən azı 173 məhkum dara çəkilib. Bu da İranın dünya ölkələri arasında həyata keçirdiyi ölüm hökmlərinin sayına görə ön cərgələrdə qərarlaşdığını göstərir. Bu vəziyyət bizi dərindən narahat edir.

Bundan başqa, 2018-ci ildən 2019-cu ilə qədər İranda siyasi məhbuslardan olan öz müvəkillərinin hüquqlarını müdafiə edən ən azı 8 vəkil tutularaq həbs olunub. Onların bəziləri isə uzunmüddətli həbsə məhkum edilib. Cari ildə isə, öz hüquqları uğrunda dinc etiraz bildirən “Həft Təpə” zavodunun onlarla fəhləsi tutularaq repressiyalara məruz qalıb, onlardan isə 7-si 6 ildən 19 ilə qədər həbsə məhkum edilib.

Həmçinin İranda etnik və dini azlıqların durumunun ağır və acınacaqlı olması bizi ciddi nigaran edir. Etnik və dini azlıqların hüquqlarının pozulması halları əvvəldə olduğu kimi hələ də davam edir. Bu isə qəbuledilməzdir”.

Həmçinin yoxlayın

Ortaq Türk ordusunun yaradılması üçün danışıqlar aparılır

GADTB-nin Mətbuat Mərkəzinə daxil olan məlumata görə, Türkiyə Böyük Millət Məclisinin sədri Mustafa Şəntop bu …

Təbrizdə etirazlarla bağlı yaxalanan azərbaycanlı fəal Ulduz Qasimi girov qarşılığında zaminə buraxılıb

GADTB-nin Mətbuat Mərkəzinə daxil olan məlumata görə, iyul ayının 24-də Təbriz şəhərində keçirilən etiraz aksiyası …

Bir cavab yazın