Çin uyğur türklərini izləmək üçün xarici ölkələrə haker hücumu etdi

GADTB-nin Mətbuat Mərkəzinə daxil olan məlumata görə, Çin uyğurların izlənilməsi üçün bəzi ölkələrin rabitə sistemlərinə hücum edib.

 “Röyter” bu barədə məlumat yayıb.

“Çin hökumətinə çalışan Hakerlər Mərkəzi və Cənub-Şərqi Asiyadakı uyğur turistlərin izlənilməsi üçün telekommunikasiya şəbəkələrini sındırıblar. Kampaniya çərçivəsində fərqli Çin haker qrupları Türkiyə, Qazaxıstan, Hindistan, Tailand və Malayziyanın rabitə operatorlarını təhdid altında qoyublar”, – deyə agentlik bildirib.

Agentliyə danışan bir sıra hüquq müdafiəçiləri hücuma məruz qalan ölkələrin daha çox uyğurlar tərəfindən Türkiyəyə gediş üçün tranzit olaraq istifadə edildiyini deyib.