GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu gün Türkiyənin Iğdır şəhəri, ABŞ-ın Vaşinqton şəhəri və digər şəhərlərdə Azərbaycan ordusuna dəstək aksiyası keçirilib.
Dünən isə İstanbul, Antaliya, Vaşinqton və digər şəhərlərdə Güney Azərbaycandan olan fəalların da iştirakı ilə Azərbaycana dəstək aksiyaları keçirilmişdir.
ABŞ-ın müxtəlif ştatlarında yaşayan azərbaycanlılar Ermənistanın Azərbaycanla sərhəddə, Tovuz rayonunda törətdiyi təxribatlara etiraz edirlər.
Soydaşlarımız əllərində Azərbaycan və ABŞ bayraqları, ingilis dilində şüarlar yazılmış və şəhidlərin rəsmi olan plakatlarla səfirliyin binasına doğru yürüş keçiriblər. Onlar “Qarabağ Azərbaycanındır!”, “Şəhidlər ölməz, Vətən bölünməz!”, “General Həşimov!”, “Stop Armenian agression!” və s. şüarlar səsləndirirlər.
