GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranın Xarici İşlər Nazirliyinin (XİN) sözçüsü Səid Xətibzadə iddia edib ki, Avstriyanın Vyana şəhərində İranın nüvə proqramına dair davam edən danışıqların sona yaxınlaşdığını deyə bilərik.
O deyib ki, bəzi həll olunmamış məsələlər hələ də qalır, lakin həllini tapan məsələlər daha çoxdur: “Bu məsələlərin həlli uzun bir prosesdən keçib və heç də asan olmayıb. Prosesin qalan hissəsi isə heç də asan olmayacaq”.
XİN sözçüsü ölkəsi ilə ABŞ arasında məhbusların mübadiləsi məsələsinə də toxunub. S. Xətibzadə qeyd edib ki, məhbusların mübadiləsi məsələsi həmişə prioritet olub və bu sahədə müzakirələr davam etdirilir.
