Bazar ertəsi , Sentyabr 26 2022
azfa

İrandan çıxılmaz duruma düşmələrinə etiraf

GADTB-nin Mətbuat Mərkəzinə daxil olan məlumata görə, Xamneinin və molla rejimin cinayətləri və yalanlarının üstü açılandan sonra rejimin rəsmisi İranın birinci vitse-prezidenti İsaq Cahangiri İranın 1979-cu ildəki inqilabdan bu yana ən çətin günlərini yaşadığına etiraf edib.

Cəhangiri rejimin sabiq dövlət başçısı Əli Əkbər Haşimi Rəfsəncaninin vəfatının ildönümü münasibətilə Tehranda təşkil olunan anım mərasimində çıxış edib.

Cahangiri bildirib ki, Ukrayna təyyarəsinin Tehranda vurulmasının xalqda yol açdığı etibarsızlığı kompensasiya etmək lazımdır: “Heç vaxt şərtlər bu qədər çətinləşməyib. Xalqın etibarının azaldığı bir dövrdəyik. Güvən hissini bərpa etmək üçün məsuliyyət daşımalı və xətaları düzəltməliyik. Bütün məsələlər doğru şəkildə xalqa çatdırılmalıdır. Prokurorluq məsuliyyət daşıyan hər kəs haqqında lazımi addımları atmalı və nəticələri ictimaiyyətlə bölüşməlidir”.

Qeyd edək ki, baş terrorçu Qasım Süleymaninin qətlindən sonra boş hədələr səsləndirib çıxılmaz vəziyyətdə olan Xamnei ABŞ-la razılaşdırılmış şəkildə iki bazaya raket zərbələri endirmə oyunu oynayır və həmin oyundan istifadə edərək Qasım Süleymaninin cangüdəni və çoxsayda sepah rəsmisini öldürmək məqsədilə Ukraynaya səfər getmək istəyən sərnişin təyyarəsini vurmuşdur. Lakin təyyarəni vurduqlarını danmış və dünya ictimaiyyətini aldatmışlar. Yalnız inkaredilməz fakt qarşısında qalandan sonra səhvən təyyarəni vurduqlarını etiraf etmişlər. İndi isə məlum olub ki, rejim həmin təyyarədən ölməsini istəməyən Xomeyninin nəvəsi və daha 3 nəfəri yerə yendirmiş və daha sonra uçuşa icazə vermişdir. Təyyarə göyə qalxan kimi onu iki raketlə vurmuşdur. Nəticədə 180 nəfər günahsız insan, çox sayda uşaq və tələbə Xamneinin yeni cinayətinin qurbanı olmuşdur.

Həmçinin yoxlayın

Ukrayna Rusiyanın 56700 hərbçisini məhv edib

GADTB-nin Mətbuat Mərkəzinə daxil olan məlumata görə, Ukrayna müharibənin 214-cü günü üçün Rusiya ordusunun itkiləri …

İran dövləti azərbaycanlı siyasi məhbus Abbas Lisaniyə telefon danışığına adağa qoyub

GADTB-nin Mətbuat Mərkəzinə daxil olan məlumata görə, irqçi fars rejim Ərdəbildə keçirilən dinc etirazlardan sonra …

Bir cavab yazın