GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim Kərəcin Rəcayişəhr zindanında həbsdə saxladığı azərbaycanlı milli-mədəni fəal dr.Lətif Həsəniyə yaxınları ilə görüşə qadağa qoyub.
Bununla bağlı rejimin prokurorluğun nümayəndəsi Həsəni ailəsi ilə danışığında iddia edib ki, guya Lətif Həsəninin yanlış davranışlarına görə bu barədə qərar verilib.
Qeyd edək ki, dr.Lətif Həsəni Təbrizdə irqçi fars rejimin İnqilab Məhkəməsinin 3-cü şöbəsi tərəfindən qondarma ittihamlarla 8 il həbs cəzasına məhkum edilib. O 6 il yarımdır cəzasını Kərəcin Rəcayişəhr zindanının 4-cü bölməsində çəkməkdədir.
Azərbaycanlı siyasi məhbus 2 ildir rejimin zindanının 10-cu zalında saxlanılan digər siyasi məhbuslarla birlikdə bütün məhbus hüququndan məhrumdur və ağır şəraitdə saxlanılır.
Dr.Lətif Həsəni 4 il əvvəldən hər 4 ayda 3-5 gün məzuniyyətə buraxılsa da, o son 15 ayda yalnız bir dəfə məzuniyyətə buraxılıb.
