İrqçi fars rejim Tikantəpənin türkcə yer adlarını dəyişdirib

GADTB-nin Mətbuat Mərkəzinə daxil olan məlumata görə, irqçi fars rejim Güney Azərbaycanın  Tikantəpə məntəqəsinin türkcə yer adlarını dəyişdirib.

Rejimin Tikantəpə Mədəni İrs Təşkilatındakı əlaltıları Əhmədabad kəndinin İstiqsu bulağı Abgərm Əhmədabad, Hərəkətli Çəmligöl isə Çəmən motəhərrek çəmli adlandırılıb.

Rejimin Tikantəpə Mədəni İrs Təşkilatındakı əlaltıları artıq turizm bölgəsində təhrif edilmiş adlarla yeni lövhələr quraşdırıb.

Qeyd edək ki, İstiqsu bulağı Əhmədabad kəndində Təxti Süleyman (Sorğulu) kompleksinin yaxınlığında yerləşir, Çəmligöl isə kiçik bir gölməçənin ortasında hərəkət edən adadır. Bu ada külək asdikcə müxtəlif istiqamətlərə yavaşca hərəkət edir.