GADTB Güney Azərbaycan Demokratik Türk Birliyi
GADTB-nin Mətbuat Mərkəzinin yaydığı məlumata görə, irqçi fars rejimi Qərbi Azərbaycan vilayətinə kürd vali təyin etdikdən sonra, Azərbaycanın əzəli şəhəri Urmiyanın da adını təhrif edərək Orumiye kimi dəyişdi.
Məlumata görə, bu gün Urmiyanın Şəhər Şurasının tablosu dəyişdirilərək Urmiya adı Orumiye kimi yazılmışdır. Rejimin bu anti-türk və irqçi hərəkəti Azərbaycan türklərinin ciddi narazılığına səbəb olub.
“Yolpress” saytının məlumatına görə, artıq Urmiya Şəhər Şurasının üzvü Dr. Murtəza Piri bu irqçi hərəkətə etiraz edərək, deyib ki, Urmiya Şəhər Şurasının rəisi və idarə heyətinin üzvləri təcəli bu hərəkətə görə cavab verməlidirlər. Onların bu təhriflərinə dəlil və sənədlə cavab vermələri gərəkdir.
