Çərşənbə axşamı , Aprel 16 2024
azfa

İrqçi fars rejimin müstəmləkə siyasətinin nəticələrindən; Təbrizdə gecəqondu məhəllələri genişlənir

GADTB-nin Mətbuat Mərkəzinə daxil olan məlumata görə, irqçi fars-molla rejiminin Azərbaycana qarşı ayrıseçkilik və müstəmləkə siyasətinin nəticələri o qədər faciəvidir ki, rejimin öz rəsmiləri də bu məsələni gizlədə bilməyib  və etiraf etməyə məcbur olurlar.

Təbriz Şəhər Şurasının Memarlıq və Şəhərsalma Komissiyasının sədri bununla bağlı bildirib ki, Təbrizdə 500 mindən çox insan gecəqondu məhəllərində yaşayır.

Firidun Babai Əqdəm Təbrizdə gecəqondu məhəllələri genişlənməsinə toxunaraq bu səhərin kənar məhəllələrində yaşayan insanların zəlzələ və torpaq sürüşməsi təhlükəsi ilə qarşı-qarşıya qaldığını bildirib.

Təbriz Şəhər Şurasının Memarlıq və Şəhərsalma Komissiyasının sədri gecəqondu məhəllələrinin güclü zəlzələ baş vermə təhlükəsi olan ərazilərdə salındığını qeyd edərək əlavə edib ki, Təbrizin ətrafında 2 min 500 hektarlıq sahədə gecəqondu məhəllələri formalaşıb.

O, bu məhəllələrin 50 hektarının təhlükəli zonalarda salındığını və həmin məhəllələrin boşaldılmasının zəruri olduğunu bildirib.

Firidun Babai Əqdəmin sözlərinə görə, keçən il cüzi yağıntı nəticəsində baş verən torpaq sürüşməsində Təbrizin məhəllələrinin birində altı ev xəsarət almışdı.

Babai Əqdəm həmçinin deyib: “Bir çox inkişaf etməkdə olan ölkələrdə gecəqondu məhəllələrinin salınması dövlət üçün ciddi narahatlıq doğurur. Lakin, təəssüf ki, İranda belə deyil və ölkədə gecəqondu məhəllələrində yaşayanların sayı getdikcə artır”.

Həmçinin yoxlayın

“Traxtur”un uduzdurulmasından ürəyi dayanan “Traxtur” tərəfdarı torpağa tapşırılıb

GADTB: “Traktor” komandası ilə İsfahanın “Zob Ahan” komandaları arasında keçirilən oyun zamanı insult keçirən və …

İran XİN: “Azərbaycanın Tehrandakı səfirliyinin diplomatik fəaliyyətinin bərpası üçün hazırlıq görülüb”

GADTB: Bu gün İran Xarici İşlər Nazirliyinin sözçüsü Naser Kənani jurnalistlərlə keçiridiyi mətbuat konfransında Azərbaycanın …

Bir cavab yazın