Mərhum aşıq Qafarın qırxında məzarı üstündə Azərbaycan marşı oxundu-Video

GADTB-nin Mətbuat Mərkəzinə daxil olan məlumata görə, bu gün cüməaxşamı 2019-cu il fevral ayının 14-də tanınmış azərbaycanlı fəal və sənətçi mərhum aşıq Qafar İbrahiminin qırx mərasimi keçirilib.

Azərbaycanlı fəallar və mərhumun ailə üzvləri mərhumun məzarı ətrafına toplaşaraq, qırx mərasimi keçirmiş və azərbaycanlı aşığı anmışlar.

Azərbaycanlı fəallar və qırx mərasimində iştirak edənlər Təbrizin Vadi Rəhmət qəbristanlığında yerləşən mərhumun məzarı ətrafında Azərbaycanın milli marşını oxuyublar. Həmçinin bəzi fəallar şeirlər oxumuş və ayrılıq mahnısını səsləndirmişlər.