Molla rejimi ballistik raketlərin istehsalını bərpa edib

GADTB: “The Wall Street Journal” cümə axşamı, sentyabrın 10-da, ABŞ və regional rəsmilərə istinadən məlumat yayıb ki, İran İslam Respublikası yeraltı obyektlərdə və əvvəldən ehtiyatda saxlanılan hissələrdən istifadə etməklə ballistik raketlərin istehsalını bərpa edib.

Qəzet yazıb ki, müharibənin ilk mərhələsində İran İslam Respublikasının raket bazalarına və sənaye obyektlərinə endirilən ağır zərbələrə baxmayaraq, maye yanacaqla işləyən ballistik raketlərin yığılması yenidən başlanıb.

Məlumata görə, bu raketlər buraxılışdan yalnız qısa müddət əvvəl yanacaqla doldurulmalıdır. Hazırda raketlərin müharibədən əvvəlki dövrlə müqayisədə daha məhdud sayda yığıldığı bildirilir.