Bazar , Fevral 16 2025
azfa

Nadir Qazipur: Urmiyanın “Şəhrdari” voleybol komandasının ləğvi rədd edilib

GADTB-nin Mətbuat Mərkəzinə daxil olan məlumata görə, kürdlərin xüsusi səyi və fitnəkarlığı, eləcə də bir neçə azərbaycanlı şəhərşurası üzvünün onlara uyması nəticəsində Urmiyanın “Şəhrdari” voleybol komandasının ləğvinə qərar verilmişdi. Lakin Azərbaycan Türk millətinin etirazı nəticəsiində hələlik məsələnin qəti olmadığı bildirilir.

Bu barədə Urmiyanın məlisdəki millət vəkili Nadir Qazipurun “Fars” xəbər agentliyinin müxbiri ilə danışığında bildirdiyinə görə, Urmiya Şəhər İcra Hakimiyyəti, Şəhər Şurasının “Şəhrdari” voleybol komandasının ləğvi ilə bağlı qərarını rədd edib.

N.Qazipur deyib: “Şəhər Şurası and içib ki, Urmiya voleybolunun belini qırsın! Bu çox təəssüfverici haldır. Xoşbəxtlikdən Şuranın “Şəhrdari” komandasının ləğvi ilə bağlı qərarı Şəhər İcra Hakimiyyəti tərəfindən rədd edilib”.

N.Qazipur həmçinin deyib “Urmiyanın bələdiyyə başqanı bayrama qədər “Şəhrdari” komandasının ləğv olunmasına icazə verməyəcəyini bildirmişdir. Bu açıqlamanın üstündən 10 gün keçməmiş Şura üzvləri komandanın ləğvi barədə qərar çıxardı. Bu məsələ Şəhər Şurasının bələdiyyə başqanına nə qədər dəyər verdiyini də göstərmiş oldu.

Mən voleybolu sevirəm və bu idmanın tərəfdariyam. Bundan əvvəl isə verilən qərarın Şəhər İcra Hakimiyyəti tərəfindən rədd ediləcəyi barədə açıqlama vermişdim”.

 

Həmçinin yoxlayın

Aydın Qasımlı: Tarixi türk dövlət və imperatorluqları

GADTB: Bəşər tarixinin ən qədim və qədim dövrləri əsasən əfsanə, mif, rəvayət və hekayətlərə dayanır. …

İran təyyarələri Beyruta uçuş qadağasının səbəbi Avropa Birliyinin sanksiyalarıdır

GADTB: İran təyyarələri Beyruta uçuş qadağasının səbəbi Avropa Birliyinin sanksiyalarıdır Bunu Livanın Baş naziri Nəvaf …

Bir cavab yazın