Bazar ertəsi , Sentyabr 20 2021
azfa

Özbəkistanda “Azərbaycan musiqisinin inciləri” buraxılıb

GADTB-nin Mətbuat Mərkəzinin AZƏRTAC-a istinadən yaydığı məlumata görə, Özbəkistanda “Azərbaycan musiqisinin inciləri” adlı disk buraxılıb. Diskə Üzeyir Hacıbəylinin “Koroğlu” operasından uvertüra, “Aşıqsayağı”, “Arşın mal alan” operettasından qızların xoru, Fikrət Əmirovun “Kürd ovşarı” simfonik muğamı, “Mən səni araram”, Qara Qarayevin “İldırımlı yollarla”, “Yeddi gözəl” əsərlərindən fraqmentlər, Müslüm Maqomayevin “Azərbaycan”, “Sənsiz”, Rəşid Behbudovun “Ay Laçın”, “Nazəndə sevgilim yadıma düşdü”, “Ana”, Şövkət Ələkbərovanın “Azərbaycanım”, “Axşam”, Zeynəb Xanlarovanın “Kimə nə qaldı”, “Cavanlığım”, “Sən mənimsən Qarabağ” və s. musiqi əsərləri daxil edilib.

Alim Qasımovun “Əziz dostum”, “Xatirələr”, Akif İslamzadənin “Ala gözlüm”, Flora Kərimovanın “Əzizim”, “Darıxıram sənin üçün Şuşam”, Azərinin “Çırpınırdı Qara dəniz”, Elnarə Abdullayevanın “Azərbaycanım mənim”, Mirələm Mirələmovun “Sənsiz” mahnıları musiqi incilərimiz sırasına daxil edilərək diskdə yer alıb.

Məhdud sayda hazırlanan bu disklər Özbəkistan Dövlət Konservatoriyasına, musiqi, incəsənət məktəblərinə, yeni yaradılan Azərbaycan ocaqlarına, həmçinin musiqimizi sevənlərə hədiyyə ediləcək.

Qeyd edək ki, bundan əvvəl isə AMM-in təşəbbüsü ilə SSRİ Xalq artistləri Müslüm Maqomayevin, Zeynəb Xanlarovanın, gənc xanəndə Aytən Məhərrəmovanın albomları, həmçinin “Azərbaycan muğamları” və “Azərbaycan xalq mahnıları” diskləri işıq üçü görüb və mərkəzin tədbirlərində pulsuz paylanıb.

Həmçinin yoxlayın

Təbrizdə azərbaycanlı siyasi məhbus Ruzbeh Piriyə azadlıq tələb edildi

GADTB-nin Mətbuat Mərkəzinə daxil olan məlumata görə, sentyabrın 18-də Təbrizdə azərbaycanlı milli-mədəni fəallar rejim tərəfindən …

Azərbaycanlı milli fəal Şahin Bərzgər barəsində məhkəmə qərarı çıxarıldı

GADTB-nin Mətbuat Mərkəzinə daxil olan məlumata görə, irqçi fars rejimin məmurlarının yaxaladığı azərbaycanlı milli-mədəni fəallar …

Bir cavab yazın