Çərşənbə , Aprel 21 2021
azfa

Türk filosof Fərabinin 1150 illik yubileyinə həsr olunmuş silsilə tədbirlər başlandı

GADTB-nin Mətbuat Mərkəzinə daxil olan məlumata görə, Almatıda IX-X əsr Şərq fəlsəfəsi və elmi fikrinin görkəmli nümayəndəsi, böyük türk filosofu Əbu Nəsir əl-Fərabinin 1150 illik yubileyinə həsr olunmuş silsilə tədbirlərə start verilib.

Yubiley çərçivəsində Qazaxıstanla yanaşı, xarici ölkələrdə də Fərabi irsinə həsr olunmuş elmi konfranslar, simpoziumlar keçiriləcək. Paris, Nur-Sultan və Türküstan bölgəsində elmi simpoziumların keçiriləcəyi yubiley tədbirlərində dünyanın 40-dan çox ölkədən əl-Fərabinin həyat və yaradıcılığının tədqiqatçıları, aparıcı alimlər iştirak edəcək, beynəlxalq ekspedisiyalar təşkil olunacaq, görkəmli filosofun əsərləri tərcümə olunaraq çapdan çıxacaq, sənədli filmlər hazırlanacaq, Fərabi mərkəzləri açılacaq.

Qeyd edək ki, Şərqin böyük mütəfəkkirinin yubileyi UNESKO-nun yadda qalan tarixləri və hadisələri təqviminə daxil edilib. Fərabinin yubileyi İSESKO, İslam Əməkdaşlıq Təşkilatı, TÜRKSOY və digər beynəlxalq təşkilatların dəstəyi ilə geniş qeyd ediləcək.

Qazaxıstan prezidenti Qasım-Jomart Tokayev 2020-ci ildə dahi filosof Əbu Nəsir əl-Fərabinin 1150 illik yubileyinin keçirilməsi ilə əlaqədar Dövlət Komissiyasının yaradılması haqqında sərəncam imzalayıb.

Həmçinin yoxlayın

Qondarma erməni iddiaları sadəcə  siyasi məqsədlərə əsaslanan bir böhtandır

GADTB-nin Mətbuat Mərkəzinə daxil olan məlumata görə, Türkiyə Prezident Administrasiyasının Kommunikasiya İdarəsinin sədri Fəxrəddin Altun …

Türkiyə Zəngəzur dəhlizinin inşasının başlandığını elan etdi

GADTB-nin Mətbuat Mərkəzinə daxil olan məlumata görə, Türkiyə Türk dünyasını birləşdirəcək Zəngəzur dəhlizinin inşasının başlandığını …

Bir cavab yazın