GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə müdafiə sənayesində proqram əsaslı həllərə imza atan HAVELSAN – Hava Elektronik Sənayesi Qurumu “Milli döyüş təyyarəsi layihəsi”nə daxil edildi.
Türkiyənin 5-ci nəsil döyüş təyyarəsi istehsalı üçün Prezident Aparatı Müdafiə Sənayesi İdarəsi tərəfindən həyata keçirilən Milli Döyüş Təyyarəsi (MMU) layihəsi üçün Türkiyə müdafiə sənayesindəki güc birliyi genişlənir.
HAVELSAN-ın baş direktoru Əhməd Hamdi Atalay verdiyi açıqlamada bildirib: “Milli Döyüş Təyyarəsi qürurlu hadisə olaraq Türkiyəyə şərəf gətirəcək bir layihədir. 5-ci nəsil döyüş təyyarəsi istehsal edən bir neçə ölkə var. İnşaallah, biz də bu ölkələr siyahısına daxil olacağıq. Təyyarə 2023-cü ildə uçuşa tam hazır olacaq. Artıq layihə üçün komanda yaratmağa başlamışıq”.
