Vandan Urmiya gölünə su çəkmə layihəsi gündəmə gətirilir

GADTB-nin Mətbuat Mərkəzinə daxil olan məlumata görə, Urmiyanın məclisdəki millət vəkili Seyid Hadi Bəhaduri Türkiyənin Van gölündən Urmiya gölünə suyun çəkilməsi ehtimalından xəbər verib.

O qeyd edib ki, Türkiyənin Van gölündən Urmiya gölünə suyun çəkilməsi tədqiqatı həyata keçirilib və layihənin həyata keçiriləcəyi ehtimal olunur.

Bəhaduri həmçinin qeyd edib ki, Van gölünün suyunun Urmiya gölünün suyuna uyğunluq məsələsi Marağa, Urmiya və Tehran Universitetlərinin laboratoriyalarında öyrənilib və Van gölündən suyun çəkilməsi Urmiya gölünün qurtarılması üçün ən münasib fürsət sayılır.

Bəzi ekspertlər də Van gölündən Urmiya gölünə suyun çəkilməsini ən ucuz və sürətli həll yolu hesab edirlər.