Xiyovdan gizli şəkildə Qarabağda döyüşən mübariz vəfat etdi

GADTB-nin Mətbuat Mərkəzinə daxil olan məlumata görə, Güney Azərbaycanın Xiyov (Meşginşəhr) bölgəsindən gizli şəkildə gəlib Qarabağda ermənilərlə döyüşən azərbaycanlı mübariz Ruhulla Dadaşzadə vəfat edib.

Artıq 2019-cu il yanvar ayının 25-i cuma axşamı mərhumun qırx mərasimi keçirilib.

Qeyd edək ki, Ruhulla Dadaşzadə Güney Azərbaycandan sərhədi gizli keçərək, Qarabağa gəlib və işğalçı ermənilərlə döyüşən çoxsaylı azərbaycanlılatdan biridir.

İşğalçı fars rejim Ruhulla Dadaşzadəni Xiyova qayıdandan sonra onun Qarabağda döyüşdüyünü bilmiş və azərbaycanlı döyüşçünü həbs etmişdir. O dəfələrlə bu məsləyə görə İran adlanan ölkənin təhlükəsizlik orqanlarına çağrılaraq, sorğu-suala çəkilmiş və ona təzyiq göstərilmişdir.

İşğalçı fars rejim onunla birlikdə Qarabağda döyüşən digər azərbaycanlıları da kəskin şəkildə cəzalandırmış və hər zaman işğalçı Ermənistanı müdafiə etmişdir.