Çərşənbə , İyul 6 2022
azfa

Əfqanıstan yenə Talibannın nəzarətinə düşür

GADTB-nin Mətbuat Mərkəzinin əldə etdiyi məlumata görə, “Taliban” hərəkatının döyüşçüləri Əfqanıstan ərazisinin 70 faizində açıq fəaliyyət göstərir. Bu barədə məlumat Britaniyanın BBC yayım korporasiyasının yanvarın 30-da dərc etdiyi tədqiqatın nəticəsində öz əksini tapıb.

Tədqiqatın nəticəsinə əsasən, taliblər ölkənin 14 rayonuna tam nəzarət edir və 263 rayonda mütəmadi hücumlar həyata keçirir. Hücumların əksəriyyəti Əfqanıstanın şərqində yerləşən Nanqarhar əyalətində qeydə alınır. Hökumətin nəzarətində olan 122 rayon da silahlıların hücumuna məruz qalır.

2014-cü ildə Amerikanın başçılıq etdiyi beynəlxalq qüvvələrin hərbi kontingenti Əfqanıstanı tərk etdikdən sonra ölkədə gərginlik xeyli artıb. Bunun ardından cənub rayonlarının bir çoxu “Taliban” hərəkatının nəzarətinə keçib. Son zamanlar bəzi kənd rayonlarında üstünlüyə yiyələnən silahlılar böyük şəhərlər istiqamətində də hücumlarını davam etdirir. Həmçinin regionda İŞİD qruplaşması da aktiv fəaliyyət göstərir.

Əfqanıstanda fəaliyyət göstərən “Taliban” hərəkatı 1994-cü ildə sovet qoşunlarının təcavüzü nəticəsində ölkəsini tərk etməyə məcbur olmuş və Pakistan mədrəsələrində təhsil almış qaçqınlar tərəfindən yaradılıb.

Həmçinin yoxlayın

Güney Azərbaycanda Süngün Mis Mədəninin işçiləri etiraz aksiyası keçirir-Video

GADTB-nin Mətbuat Mərkəzinə daxil olan məlumata görə, bu gün Güney Azərbaycanda Süngün Mis Mədəninin işçiləri …

GADTB başqanı sayın Əjdər bəy Tağızadənin “LAF TV”-də “İbrahim Rəisinin əli qana batıb” mövzusunda çıxışı- Video

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) başqanı sayın …

Bir cavab yazın