Netanyahu: “İran hələ də bizim hücumlarımızdan şokdadır”

GADTB: Dünən İsrailin baş naziri Benyamin Netanyahu “The Wall Street Journal”a müsahibəsində deyib ki, oktyabr ayında Təl-Əvivin Tehranın mövqelərinə qarşı hücumları İranı təəccübləndirib və İslam Respublikasının hücumdan müdafiə sistemlərinin İsrail tərəfindən məhv edilməsi hökumət rəsmilərini şoka salıb.

“İran onların mühüm hava hücumundan müdafiə sistemlərini məhv etdiyimizi görəndə şoka düşüb. Bu hücumlar onları bizə yenidən cavab verməkdən çəkindirib. Hücumlarımız İranın ballistik raketlər istehsal etmək imkanlarını zəiflədib”, – deyə, Netanyahu bildirib.

İsrailin baş naziri qeyd edib ki, “İran Bəşar Əsədi qorumaq üçün Suriyaya 30 milayrd dollar, Hizbullah üçün isə 20 milyard dollar pul verib, eləcə də HƏMAS-a əlavə xərclər çəkib, ancaq İsrailin cavabları HƏMAS-a tökülən pulları boşa çıxarıb”. / Azag İran