GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, azərbaycanlı milli-mədəni fəal Nəsim Sadiqi 2018-ci il oktyabr ayının 29-da ailəsi ilə qısa telefon əlaqəsində irqçi fars rejimin Təbrizdə yerləşən zindanına salındığını bildirib.
Məlumata görə, azərbaycanlı fəal bu gün rejimin Təbriz şəhərində yerləşən İnqilab Məhkəməsinə aparılmalı idi. Lakin rejimin Sepah qüvvələrinin rəsmiləri onu məhkəməyə aparmaqdan imtina ediblər. Nəsim Sadiqinin ailəsi isə fəalı məhkəmədə bir neçə saat gözləyiblər.
Fəalın ailəsi təyin edilən mülki vəsiqəni təqdim edib, onun zindana salınmasına etiraz ediblər. Lakin təqdim olunan vəsiqə məhkəmə tərəfindən qəbul olunmayıb. Məmurlar Sadiqi ailəsinə bildiriblər ki, hələlik dosye təkmilləşməyib və müttəhimə qarşı yeni ittihamlar irəli sürülə bilər.
Qeyd edək ki, məhkəmə bundan əvvəl azərbaycanlı fəal Nəsim Sadiqinin azadlığa buraxılması üçün 100 milyon tümənlik mülki vəsiqə qərarı çıxarıblar.
Təhlükəsizlik qüvvələri fəalı yaxalamaq üçün 2018-ci il oktyabr ayının 21-də evə müraciət edən zaman ona məxsus bir çox şəxsi əşya, o cümlədən mobil telefon, kompüter, kitab və əlyazmaları müsadirə ediblər.
Rejimin Sepah qüvvələrinin təhlükəsizlik bölməsinin məhkəməyə təzyiqi nəticəsində fəalın azadlığa buraxılmasına mane olub. Fəalı indi də rejimin Sepah qüvvələri zindana salıb.
