GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Güney Azərbaycanın, Ərdəbil, Muğan və s. bölgələrindən sonra Urmiyada qanunsuz həbs edilən tanınmış azərbaycanlı milli-mədəni fəal Abbas Lisaninin azadlıq tələb ilə düvarlara şüarlar yazılıb.
Urmiya şəhərində azərbaycanlı fəallar “Siyasi məhbuslar azad olsun”, “Abbas Lisani azad olunsun” və s. şüarlar yazaraqla azərbaycanlı fəalın qanunsuz həbsini pisləmiş və A.Lisaniyə azadlıq tələb etmişlər.
Qeyd edək ki, azərbaycanlı fəal Abbas Lisani 2019-cu il yanvarın 15-də məhkəmə iclası keçirildikdən sonra rejimin Təbrizdə yerləşən prokurorluğunda yaxalanıb. Fəal yanvarın 20-də Təbrizdən Ərdəbildə yerləşən rejimin ETTELAAT İdarəsinə köçürülüb.
Hazırda Abbas Lisaniyə yaxınları ilə görüşmək, hətta telefon əlaqəsi saxlamaq icazəsi verilməyib. A.Lisani bu qanunsuzluqlara görə aclıq aksiyasına başlayıb.
