Kürd terrorçular Türkiyədə dinc sakinləri top atəşinə tutub uşaqları öldürdülər

GADTB-nin Mətbuat Mərkəzinə daxil olan məlumata görə, Suriyada YPG-PKK terror qruplaşması Türkiyənin Şanlıurfa və Mardin bölgələrində dinc sakinlərin yaşadığı evlərə minaatan mərmiləri ilə zərbə endiriblər.

Terrorçuların atdığı mərmilərdən bəziləri Şanlıurfanın Ağcaqala, Birecik, Ceylanpınar, Mardinin Nusaybin ilçələrinə düşüb.

Hücum zamanı 17 dinc sakin yaralanıb.

“Sülh çeşməsi” əməliyyatı ilə əlaqədar Şanlıurfanın sərhəd bölgələrində məktəblərdə iki günlük tətil elan edilib.

Türkiyə mətbuatının məlumatına görə, Şanlıurfanın Ağcaqala ilçəsinə edilən hücum nəticəsində 1-i uşaq olmaqla, 3 nəfər həlak olub.