Bakıda Güney Azərbaycanda baş verən etirazlara dəstək aksiyası keçirilib

GADTB-nin Mətbuat Mərkəzinə daxil olan məlumata görə, dünən bir qrup azərbaycanlı fəal İran adlanan ölkənin Quzey Azərbaycandakı Səfirliyi qarşısında Güney Azərbaycanda əhalinin dinc nümayişlərinə divan tutulmasına etiraz olaraq “Azərbaycan oyaqdır, Bakı Təbrizə dayaqdır!” şüarı ilə etiraz piketi keçiriblər.

Polisin müdaxiləsinə baxmayaraq aksiya iştirakçıları İran Səfirliyinin qarşısınadək irəliləyib və qətnamələrini oxuyub.

Azərbaycanlı fəallar İranda son günlər yaşanan kütləvi xalq etirazları zamanı Güney Azərbaycan türklərinin hakimiyyət orqanları tərəfindən təqib, təzyiq və qətliama məruz qalmasını pisləmişlər.