GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Urmiya zindanında koronavirusun geniş yayılması nəticəsində çox sayda məhbusun bu infeksiyaya yoluxduğu bildirilir. Məhbuslardan bəzilərinin xəstəxanaya yerləşdirildiyi söylənilir.
Həbsxana məsulları bazar günü virusa yoluxmuş 24 məhbusun səhhəti ağırlaşdığı üçün onları şəhərin xəstəxanasına aparmağa məcbur olublar. Lakin belə ağır vəziyyətin olmasına baxmayaraq rejim koronavirusun qarşısını almaq üçün heç bir tədbir görmür. Üstəlik koronavirusun zindanda yayılmasını da ört-bsdır edir.
Həmçinin aprelin 12-də virusa yoluxmuş daha 4 məhbus həbsxanadan xəstəxanaya köçürülüb və onlardan Ənvər Baqirzadə adlı məhbus vəfat edib.
Xəstəxanaya aparılan məhbuslar Urmiya zindanının 3-cü və 4-cü bölmələrində saxlanılır. Bu bölmələrdə isə təxminən 500 nəfər məhbus saxlanılır və artıq onları həyatı ciddi təhlükə qarşısındadır.
