GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Məlikkəndi (Məlikan) şəhərinin Qaraçal Kənd Şurası Qaraçalın küçə və məhəllələrinin əsil türkcə adlarını qaytarıb. Məlikkəndinin Qaraçal Kənd Şurasının bu təqdirəlayiq hərəkəti əhalinin razılığı ilə qarşılanıb.
Məlumata görə bölgənin əhalisi və milli-mədəni fəalların haqlı etirazı ilə irqçi fars rejimi tərəfindən Qaraçalın küçə və məhəllələrinin farslaşdırılmış və saxta adları, o cümlədən Bustan, Gülüstan, Hafiz, Sədi və belə adlar ləğv edilərək, küçə və məhəllələrə yerli əhaliyə məxsus türkcə adlar, o cümlədən Səttarxan xiyabanı, Şəhriyar küçəsi, Səhənd küçəsi, Baqirxan xiyabanı, Güllər küçəsi, Xanlıq məhəlləsi, Bağ küçəsi və s. adlar verilib.
